Ամերիկյան ավտոարտադրող Chrysler-ը հայտարարել է ողջ աշխարհում մոտ 800 հազար արտաճանապարհային Jeep մեքենաների հետկանչի մասին՝ կապված բռնկման կողպեքի խնդիրների հետ: Այս մասին փոխանցում է ITAR-TASS-ը:
Հետկանչը տարածվում է 2006-2007թթ. մոդելային տարվա Jeep Commander և 2005-2007թթ. Jeep Grand Cherokee մեքենաների վրա: Chrysler-ի հայտարարության մեջ նշվում է, որ այդ մեքենաների թերությունը կարող է հանգեցնել բանալու հանկարծակի հետադարձ պտույտի, ինչն առաջացնում է շարժիչի կանգ և համապատասխանաբար կտրուկ արգելակում: Վթարի ժամանակ այդ թերության հետևանքով կարող են չբացվել անվտանգության բարձիկները: Հետկանչի ենթակա մոտ 650 հազար մեքենաներ վաճառվել են ԱՄՆ-ում:
Ավտոարտադրողին հայտնի է թերության հետևանքով միայն մեկ միջադեպի մասին:
