Եվրոպական երկրները պետք է կապ ունենան միմյանց միջև, մայրցամաքում չպետք է թույլ տալ Արևմուտքի և Արևելքի ընդհարում: Նման կարծիք է հայտնել Եվրոպայի և Եվրասիայի հարցերով ԱՄՆ պետքարտուղարի օգնականի տեղակալ Էրիկ Ռուբինը՝ ելույթ ունենալով Վուդրո Վիլսոնի անվան կենտրոնում: Այս մասին փոխանցում է ITAR-TASS-ը:
Ուկրաինական ճգնաժամին նվիրված կլոր սեղանի ժամանակ խոսքը եղել է նաև հետխորհրդային տարածքի այլ երկրների մասին: Նրա խոսքով՝ մեկ չափսը չի կարող բոլորին համապատասխանել: «Յուրաքանչյուր երկիր պետք է ընտրի իր ապագան»,- ասել է նա:
Միևնույն ժամանակ նա նշել է, որ քաղաքացիների ազատ ընտրությունը չպետք է ազդեցության ենթարկվի ներքին կամ արտաքին ուժերի կողմից:
