Այս տարվա սկզբից ռուս 19 միլիարդատերեր երկրի վրա դրված պատժամիջոցների արդյունքում ավելի քան 14 միլիարդ դոլար են կորցրել: Այս տվյալներն է բերում The Independent բրիտանական պարբերականը՝ հղում կատարելով Bloomberg Billionaire Index-ին:
Մասնավորապես, պարբերականը նշում է «երկաթի մագնատ» Վլադիմիր Լիսինին, ով 2,8 միլիարդ դոլար է կորցրել, ինչպես նաև նշվում է «Մետալոինվեստ», «Մեգաֆոն», Mail.ru Group-ի և Facebook-ի ներդրող Ալիշեր Ուսմանովի անունը, ով 2,5 միլիարդ դոլար է կորցրել, որը կազմում է նրա կարողության 14 տոկոսը:
Ավելացնենք, որ ավելի վաղ ԱՄՆ-ն Ռուսաստանի նկատմամբ պատժամիջոցներ է մտցրել, որը կապված է «Ուկրաինայի իրավիճակը ապակայունացնելու հետ»:
