ԱՄՆ կարգավորիչ մարմինները հավանության են արժանացրել Facebook-ի կողմից Oculus ընկերության կլանումը, որը զբաղվում է Rift «խելացի» ակնոցների մշակումով: Այսպիսով, 2 մլրդ դոլար արժողությամբ գործարքը, որի մասին հայտարարվել էր մարտին, պաշտոնապես իրականացվել է, գրում է Hitech.vesti.ru-ն:
ԱՄՆ Կապերի դաշնային հանձնաժողովը Facebook-ի գնումը օրինական էր ճանաչել դեռևս ապրիլին: Իսկ այժմ, կանաչ լույս ստանալով կորպորացիաների հարցերով Կալիֆոռնիայի դեպարտամենտի կողմից, այն ուժի մեջ է մտել: Facebook-ի վճարած կոնկրետ գումարը կազմել է 2 մլրդ 1 մլն 985 հազար դոլար:
Ըստ գործարքի պայմանների` Oculus-ը կանխիկ կստանա 400 մլն դոլար, մոտ 1.6 մլրդ` Facebook-ի բաժնետոմսերի տեսքով և ևս 300 մլն դոլար, եթե ձեռք բերվեն որոշ ցուցանիշներ:
