Կալիֆոռնիական Սան Դիեգոյի լողափում ծխելու համար կնոջը դանակով հարվածել են, հաղորդում է UT San Diego-ն:
54-ամյա կինը հարուցել է իր կողքին հանգստացող 70-ամյա թոշակառու Թերենս Բիհանի դժգոհությունը: Նա մոտեցել է կնոջը և հարցրել. «Դու փորձում ես սպանե՞լ իմ երեխաներին», որից հետո դանակով հարվածել է կնոջ կրծքավանդակին, այնուհետև դանակը դրել է նրա կոկորդին:
Ականատեսները հաղորդում են, որ տղամարդը կնոջ վրա հարձակվել է առանց նախազգուշացման: Նրանց միջև վեճ չի եղել:
Մոտակայքում կանգնած ոստիկանները ձերբակալել են տղամարդուն: Բարեբախտաբար, կնոջ վնասվածքները մահացու չեն եղել:
Տղամարդուն սպանության փորձի մեղադրանք է առաջադրվել:
Սան-Դիեգոյի լողափերից մեծ մասում ծխելն արգելվել է 2006 թ.:
