Գեներալ-մայոր, Արցախի հերոս Արկադի Տեր-Թադևոսյանից հետաքրքվցինք՝ արդյո՞ք մտահոգվելու առիթ ունեն Ռուսաստանի մյուս հայ օլիգարխները:
Ի պատասխան մեր հարցադրմանը՝ Կոմանդոսն ասաց․ «Եթե հետք գտնեն, կարող են ինչ-որ բան անել, ես չեմ կարող ասել՝ ինչպես են իրենց հարստությունները դիզել, բայց եթե հետաքրքվեն՝ գործ կսարքեն: Ըստ իս ՝դժվար թե նման բան լինի»:
Նրանից հետաքրքվեցինք նաև, որ եթե Լևոն Հայրապետյանի ձերբակալությունը Ադրբեջանի պատվերն էր, ապա Ռուսաստանն ինչու դրան ընդառաջ գնաց․ «Ռուսաստան պետությունն այս ամենի հետ կապ չունի։ Տեսնենք, թե ամսի 24-ից հետո ինչ կլինի: Մինչ այդ պետք է մի փոքր հանգիստ լինենք»:
Հարցին, որ եթե մեր իշխանություններն ի պաշտպանություն Հայրապետյանի այդպես էլ ոչինչ չանեն, հնարավո՞ր է՝ կոչով դիմեն նրանց, Արկադի Տեր-Թադևոսյանը պատասխանեց․ «Իրենք առանց մեզ էլ տեղյակ են ամեն ինչից, պետք է մեր գործողություններին նայեն, մեր հասարակության քայլերին: Իրենք մեզնից ավելի լավ գիտեն՝ ինչ է կատարվում»:
Հարցին, որ եթե հասարակությունը լուռ մնա այս հարցում, պետությո՞ւնն էլ պետք է լռի, Կոմանդոսը ծիծաղելով պատասխանեց․ «Չեմ կարող ասել»:
Հարցազրույցն ամբողջությամբ՝ մեր տեսանյութում։