Վալոմինգի Ալադին փոքրիկ քաղաքը, որը 15 բնակիչ ունի, 1,5 միլիոն դոլարով աճուրդի է դրվել, հաղորդում է Gillette News Record-ը: Պոտենցիալ գնորդին 15 շինություն են առաջարկել, այդ թվում՝ փոստային բաժանմունքը և գործող 118-ամյա հանրախանութը, որտեղ ամեն ինչ վաճառում են:
Քաղաքը աճուրդի են դրել Ջուդի և Ռիկ Բրենգլները, ովքեր դրա սեփականատերն են դարձել 1986 թ.: Այդ ժամանակվանից սկսած՝ Ջուդին հասցրել է քաղաքապետ, փոստային բաժանմունքի և ոստիկանության պետ աշխատել:
Ամեն տարի օգոստոսին քաղաք են գալիս միլիոնավոր բայքերներ, ովքեր քաղաքով անցնում են Sturgis Motorcycle Rally մրցարշավի ժամանակ: Նրանցից շատերը կանգ են առնում քաղաքում՝ հանգստանալու հանրախանութի պատշգամբում: Հենց այդ խանութն է արդեն 118 տարի պահում քաղաքը: 2011 թ. Facebook-ում բացվել է խանութի էջը, որն արդեն գրեթե 600 բաժանորդ ունի:
Ալադին անվանումը քաղաքը ստացել է 1894 թ.: Դրա առաջին սեփականատերերը հույս են ունեցել հարստանալ, ինչպես համանուն հեքիաթի հերոսները:
