Xiaomi ընկերությունը թողարկել է չժանգոտվող պողպատից կորպուսով Mi4 սմարթֆոնը, որը բնութագրերով համեմատելի է սմարթֆոնների առաջատար արտադրողների մոդելների հետ, բայց զգալիորեն ավելի էժան է: Այս մասին հաղորդվում է ընկերության Facebook-յան պաշտոնական էջում:
The Wall Street Journal պարբերականի տվյալներով՝ 16-գիգաբայթանոց մոդելը կթողարկվի մինչև ամսվա վերջ, իսկ 4G մոդիֆիկացիան՝ սեպտեմբերին:
Սովորաբար կորպուսի ստացման համար օգտագործվում է ալյումին, ապակի կամ պլաստիկ:
Mi4-ն ունի Full HD (1920-ը 1080) կետայնությամբ 5-դյույմանոց դիսփլեյ: Այն ունի IPS-մատրիցա, ինչը, արտադրողի տվյալներով, ապահովում է ճշգրիտ գունափոխանցումը: Սմարթֆոնն ունի 13-մեգապիքսելանոց տեսախցիկ, որը կարող է տեսանկարահանել և լուսանկարել 4K ձևաչափով: Դիմային տեսախցիկն 8 մեգապիքսելանոց է: Մարտկոցի ծավալը 3080 միլիամպեր/ժ է:
Վերը նշված բնութագրերը համեմատելի են Samsung-ի, Sony-ի, НТС-ի և այլ հայտնի արտադրողների սարքերի հետ, միաժամանակ, Mi4-ը մոտ կրկնակի էժան է՝ 320 և 400 դոլար 16- և 64-գիգաբայթանոց տաբերակները համապատասխանաբար: Սակայն ներկայացված մոդելը նախատեսված է Չինաստանի համար, իսկ միջազգային տարբերակն ավելի ուշ կթողարկվի:
