Օրեր առաջ արքայազն Հարրին հանդիպում է անցկացրել 60 աշակերտների հետ, ովքեր զբաղվելու են Invictus Game նախագծի առաջընթացով:
Հիշեցնենք, որ Invictus Games-ը նախագիծ է նախկին զինվորականների համար, ովքեր պատերազի ընթացքում կորցրել են գործելու ունակությունը: Ավելի քան 300 մասնակիցներ կմիավորվեն այս տարվա սեպտեմբերին: Մրցումների ծրագրում հաշմանդամների սայլակով բասկետբոլ է, թիավարում, նստած վոլեյբոլ և սպորտի այլ տեսակներ:
smm-առաջընթացի համար ընտրվել են բրիտանացի դպրոցականներից 60 կամավորներ: Նրանց համար Facebook-ում թրեյնինգներ են անցկացրել հուլիսի 21-ին:
Հանդիպումը կայացել է Բեթնալ Գրին թանգարանում: Հարրին կոչ է արել աշակերտներին միավորվել լավագույն արդյունք ստանալու համար:
«Որքան շատ նպատակասլացություն ցուցաբերեք, որքան մեծ աղմուկ բարձրացնեք, այնքան լավ նախագծի համար: Միավորեք ընկերներին, տարածեք տոմսերը: Ես երաշխավորում եմ, որ դուք չեք զղջա, որ մասնակցել եք նախագծին: Դա կլինի ձեր ամենազարմանալի հանգստյան օրերից»:
Հիշեցնենք, որ մայիսին կայացած մամլո ասուլիսի ժամանակ Հարրին իր առաջին թվիթն է գրել՝ կոչ անելով տոմսեր գնել: Սակայն, ինչպես երևում է, սոցիալական ցանցերի հետ արքայազնը այնքան էլ լավ «հարաբերություններ» չունի:
«Ինձ համար դժվար է գրել Invictus Games-ի և, ընդհանրապես, ինչ-որ կարևոր ու լուրջ բանի մասին: Ես հոգուս խորքում ատում եմ Twitter-ը՝ անձնական կյանք ներխուժելու համար»,- ասել է նա: