Լեռնային Ղարաբաղի Հանրապետությունում 661 դիմորդից 423-ը ընդունվել է բուհեր: «Առաջին լրատվական»-ի հետ զրույցում այս մասին ասաց ԼՂՀ ԳԹԿ տնօրեն Յուրա Քարամյանը՝ հավելով, որ մնացած դիմորդները բուհ չեն ընդունվել տարբեր պատճառներով՝ քննական շեմը չեն հաղթահարել, մրցույթին չեն մասնակցել, բացակայել են: 174 դիմորդ անվճար է անցել, իսկ 240-ը՝ վճարովի: Իսկ Հայաստանի բուհեր հայտարարագրվել է 93 դիմորդ, որոնցից 66-ը անցել է, 36-ը՝ անվճար, 30-ը՝ վճարովի:
Յուրա Քարամյանն ընդգծեց, որ այս տարի ևս առավել շատ դիմորդներ են եղել «Իրավաբանական», «Տնտեսագիտական», «Պատմության», «Օտար լեզուների» հոսքով։ «Կենսաբանությունից, դեղագործությունից դիմորդներ չեն եղել, ճարտարապետական և ագրարային հոսքեր ևս դիմորդները քիչ են եղել»,- եզրափակեց ԼՂՀ ԳԹԿ տնօրենը:
