Ֆրանսիան կկատարի Ռուսաստանի ռազմածովային նավատորմի համար «Միստրալ» տիպի առաջին նավի կառուցման իր պայմանագրային պարտավորությունները և այն կփոխանցի նախատեսված ժամկետում: Այս մասին գրում է ITAR-TASS-ը՝ վկայակոչելով Ֆրանսիայի նախագահ Ֆրանսուա Օլանդին:
«Գործարքը կնքվել է 2011-ին, նավը գրեթե պատրաստ է և պետք է փոխանցվի հոկտեմբերին»,- ասել է Օլանդը:
Նա նշել է, որ այս ուղղաթիռակրի մատակարարման դադարեցման մասին խոսք անգամ լինել չի կարող:
«Ռուսաստանը վճարել է»,- նշել է Ֆրանսիայի նախագահը՝ հավելելով, որ հակառակ դեպքում Ֆրանսիան ստիպված կլինի ռուսական կողմին վճարել 1.1 մլրդ եվրո:
Խոսելով պայմանագրի մնացած մասի կատարման մասին՝ Օլանդը շեշտել է, որ «դա կախված կլինի Ռուսաստանի վարքից»:
ԱՄՆ-ը, սակայն, դեմ է, որպեսզի Ֆրանսիան Ռուսաստանին մատակարարի «Միստրալ» ուղղաթիռակիրը:
Իսկ նախօրեին Մեծ Բրիտանիայի վարչապետ Դևիդ Քեմերոնն այդ գործարքը համարել է «անիմաստ»: