Արքայազն Հարին հայտարարել է, որ ատում է Twitter միկրոբլոգների ցանցը. նա սոցցանցում զետեղված հաղորդագրություններն ու պատկերները դիտարկում է որպես ներխուժում անձնական կյանք՝ փոխանցում է The Telegraph-ը:
Արքայազնն այդ հայտարարությունն արել է դպրոցում, որտեղ երեխաներն ուսուցում են անցնում Invictus Games առաջիկա մարզական միջոցառման համար՝ կազմակերպված հաշմանդամ զինվորների համար: Երեխաների հետ աշխատում են Twitter-ն ու Facebook-ը, որոնք նրանց սովորեցնում են խթանել սոցցանցերի խաղերը: Աշակերտներից մեկը Հարիին հարցրել է, թե նա կգրի՞ Twitter-ում խաղերի ժամանակ, որոնք անցկացվելու են սեպտեմբերի 10-14-ը Լոնդոնի արևելքի Օլիմպիական պարկում:
Հայտնի է, որ արքայազնին զայրացնում է այն փաստը, որ չի կարողանում հայտնվել հանրության մեջ, որպեսզի ինչ-որ մեկը Twitter-ում չտեղադրի իր լուսանկարները: Այդ փաստը նույնիսկ դարձել է իր նախկին ընկերուհու՝ Կրեսիդա Բոնասի հետ հարաբերություններում որոշակի լարվածության պատճառ: Սոցցանցը նպաստել է նաև լուսանկարների տարածմանը, որոնցում արքայազնը պատկերված էր մերկ՝ Լաս Վեգասում երեկույթի ժամանակ:
