Չինական TENAA արտոնագրման գործակալությունը հավանության է արժանացրել Gionee ընկերության նոր սմարթֆոնի թողարկումը, որը ռեկորդային բարակ կաղապար կունենա՝ 5 միլիմետրից ոչ ավել: 4,8 դյույմանոց GN9005 մոդելը խոստանում է ոչ միայն ամենակոմպակտը, այլև ամենաթեթևը դառնալ: Ենթադրվում է, որ սարքավորման քաշը 94,6 գրամ կլինի, գրում է hitech.vesti.ru-ն:
Այսպիսի քաշ ունեն միայն մի քանի Android սմարթֆոններ, որոնց էկրաների չափը չի գերազնացում 3-4 դյույմը: Համեմատության համար նշենք, որ Apple iPhone 5S-ի հաստությունը 7,6մմ է, իսկ Samsung Galaxy S5-ը՝ 8,1մմ:
GN9005-ը միջին դասի սմարթֆոն է: Այն հագեցած կլինի 4,8 դյումանոց AMOLED (720х1280)HD դիսփլեյով, 4 միջուկանի պրոցեսորով, 1 գիգաբայթ օպերատիվ և 16ԳԲ ներքին հիշողությամբ: Այն կաշխատի Android-ի 4.3 (Jelly Bean) տարբերակով:
Դատելով համացանցում հայտնված լուսանկարներից՝ նորույթը նախատեսված է China Mobile-ի LTE ցանցերով աշխատելու համար, ինչը վկայում է հետևի կափարիչի վրա օպերատորի լոգոյի առկայությունը: Առայժմ հայտնի չէ, թե երբ կթողարկվի այս սմարթֆոնը: