«Առաջին լրատվական»-ի զրուցակիցն է «Ղարաբաղ»կոմիտեի անդամ Աշոտ Մանուչարյանը:
-Պարոն Մանուչարյան, երեկ Ուկրաինայի արևելյան տարածքումշուրջ 300 ուղևորով ոչնչացվեց մալայզիական ինքնաթիռ: Համացանցում արդեն իսկ կան ձայնագրություններ, որոնք վկայում են, որ ինքանթիռը հարվածել են Դոնեցկի շրջանի անջատողականները: Ձեր կարծիքով՝ որո՞նք են լինելու այս ամենի հետևանքները: Ակնհայտ է, որ Արևմուտք-Ռուսաստան դիմակայությունն էլ ավելի է սրվելու:
-Խաղաղ ժողովրդով ինքաթիռները գործիք են: Երբ սեպետմեբերի 11-ը եղավ, մեզ թվաց, թե ինչ-որ խելագար է դա արել: Ես չեմ կարող ժխտել, որ սա պատահականություն է, բայց ավելի մեծ հավանականություն կա, որ պլանավորված է: Ու թող ոչ մեկ չասի ձայնագրություն կա կամ մատնահետք: Մենք երբեք չեն իմանալու, թե ով սա արեց: Դա ավելի շուտ երևալու է հետագայում վերլուծություններից, թե ով ինչքանով օգտագործեց: Բայց անգամ դա մեզ չի փրկում ճշմարտության որոնումների ճանապարհին, որովհետև կարող է օգտվողը ավելի ճարպիկ մեկ ուրիշն էր:
Այդպիսի գործառույթները գործիք են, բայց այն արդեն սկսվել է, այս վիճակ ինչպե՞ս պետք է անել: Ո՞վ է թույլ տվել, որ ինքնաթիռները թռնեն ռազմական գոտու վրայով: Ասենք, թե Ուկրաինայի ղեկավարությունը խելքը թռցրել է կամ ինչ-ինչ հաշվարկներով դա թույլ է տվել, ինչո՞ւ է միջզգային ավիացիոն ընկերությունը թույլ տալիս: Հետևաբար, այդ բոլորը գտնվում են մի տիրույթում, որոնք թույլ են տալիս, որ ինչ-որ պահի ինչ-որ ինքնաթիռ ինչ-որ երեխաներով պետք է լինելու, որ ուրիշ մի ուղեծիր բարձրացնեն ներկայիս ճգնաժամային իրավիճակում: Նրանց համար գոյություն չունի այնպիսի բաներ, ինչպիսին են երեխաներ, սրբություն, մարդկանց կյանք, արյունահեղություն՝ այդ ամենը ընթացիկ գործիքներ են փողի իշխանությունը պահելու համար:
–Ռուսաստանի նախագահը Ուկրաինայի իշխանություններին է մեղադրում, իսկ ԱՄՆ-ը՝ Դոնեցկի անջատողականներին, որոնց սատարում է Ռուսաստանը: Ռուսաստան-Արևմուտք դիմակայությանը Հայաստանը դիմադրելու ներուժ ունի՞:
-Մենք պետք է հասկանանք, որ ինչ էլ լինի, օրինակ, արդեն մեր մամուլում գրում են՝ Հայաստանի սահմանապահներն այլևս Ռուսաստանին պետք չեն, ռուսական բազան այլևս պետք չէ Հայաստանին: Ռուսաստանում արդեն կան մարդիկ, որոնք զզվել են մեր հարցադրումներից, որ առանց ամեն ինչի մենք կարող ենք պաշտպանվել: Ես չգիտեմ՝ ով է տեղեկանք ստացել Միացյալ Նահանգներից, որ Ամերիկան մեզ փրկելու է, բայց Ռուսաստանը ստորագրված պարտավորություն ունի։ Երբ խոսում են՝ Ամերիկան է պարտավորված, ես ուզում եմ հասկանալ, ինչից է դա բխում: Մենք մեր ուժը պետք է ամբողջացնենք, որովհետև վաղը կարող են անակնկալներ լինել: Ռուսաստանն իր շահերը պաշտպանող երկիր է, ինչպես ԱՄՆ-ն ու բոլորը այս էգոիզմով լի աշխարհում, և եթե վաղը մենք չկարողացանք այնպիսի կարևորության դրսևորումներ տալ, որ իրենց է հետաքրքրում՝ նա էլ կարող է ուրիշ գործողութունների գնալ, ինչպես որ կարող է անել Բրիտանիան, ԱՄՆ-ը և ցանկացած երկիր:
Հարցազրույցն ամբողջությամբ՝ մեր տեսանյութում։