Նույնիսկ արձակուրդը պետք է վաստակել: Ազատության հրապարակում հուլիսի 18-ին ընդդեմ էլեկտրաէներգիայի սակագնի բարձրացման ՕԵԿ հրավիրած հանրահավաքին ԱԺ ՕԵԿ խմբակցության պատգամավոր Հովհաննես Մարգարյանը այս կոչով դիմեց ներկաներին: «Ի՞նչ արձակուրդի մասին է խոսքը, ի՞նչ ամառվա շոգի մասին է խոսքը, երբ մի պարզ ճշմարտություն կա. եթե մենք, Աստված մի արասցե, լռեցինք, թույլ տվեցինք օգոստոսի 1-ից սպասվող որոշումը՝ էլեկտրաէներգիայի թանկացումը, առանց այն էլ թանկ էլեկտրաէներգիայի սակագնի, որ պետք է դարձյալ թանկանա, սա անդառնալի հետևանքներ կարող է ունենալ: Ես կարծում եմ՝ մենք իրոք, համախմբված, և ամենակարևորը՝ այս արդար նպատակի համար մեր բոլոր ջանքերը պիտի ներդնենք, մենք ինքներս ներդնելու ենք»,- ասաց նա:
Մարգարյանի խոսքով՝ ՕԵԿ-ը էլեկտրաէներգիայի սակագնի թանկացման որոշման դեմ հայցով դիմել է վարչական դատարան՝ արդեն երկրորդ հայցն են ներկայացրել, որովհետև առաջին հայցն անհիմն կերպով մերժվեց, դիմել են նաև Հանրային ծառայությունները կարգավորող հանձնաժողովին, ներկայացրել են բողոք դիմում՝ վերանայելու գազի, էլեկտրաէներգիայի գործող սակագինը, նաև՝ վերանայելու հուլիսի 1-ի այն որոշումը, որով նախատեսվում է օգոստոսի 1-ից ևս տասը տոկոսով թանկացնել Էլեկտրաէներգիայի սակագինը:
Մանրամասները՝ տեսանյութում:
