«Մենք ավագանու նոր մշակույթ բերեցինք, նախկինում ավագանու նիստերը անցնում էին շուտասելուկի պես»,- ամփոփելով «Բարև Երևանի» կողմից մեկ տարվա ընթացքում կատարված աշխատանքները՝ նշեց Երևանի ավագանու «Բարև Երևան» խմբակցության ղեկավար Անահիտ Բախշյանը հավելելով, որ նախկինում ավագանու անդամները, պատգամավորների պես, կոճակ էին սեղմում, քվեարկում, արագ-արագ որշումները ընդունում: «Մինչև հիմա հանրապետականները մեզ մեղադրում են, որ ամեն որոշման մասով ամեն հարց քննարկում ենք»,- ասաց Անահիտ Բախշյանը և ավելացրեց, որ իրենց խմբակցությունը 90-ից ավել դիմումներ է ստացել:
Խմբակցության մյուս անդամ Արթուր Գասպարյանը ևս ընգծեց, որ նախկինում որոշումները «տապոռի» կտրուկությամբ էին ընդունվում, 15 րոպեի ընթացքում 20 որոշում են ընդունել: «Ես հիմա մեզ անվանում եմ ժանդարմներ, որոնք փորձում են վերահսկողություն սահմանել»,- ասաց Արթուր Գասպարյանը:
Անահիտ Բախշյանը նշեց մի շարք հարցեր, որոնք կարողացել են լուծել` կապված Էրեբունիում Ազատամարտիկների պուրակի, Հաղթանակի զբոսայգում առկա բռնագաղթածների հուշարաձանների և այլնի հետ: Նա նաև մատնանշեց կարևորագույն հարցեր, որոնք չեն կարողացել լուծել, չեն կարողացել հասնել նրան, որ ավագանու նիստերը հեռարձակվեն, չեն կարողացել հասնել նրան, որ Կենտրոնի համայնքապետը լքի պաշտոնը՝ չնայած որ չկա այնպիսի նիստ, որի ընթացքում Կենտրոնի համայնքապետը նկատողություն չստանա, հարկերը չի վճարում: «Կենտրոնի համայնքապետն իր տեղում չէ, Տարոն Մարգարյանը անգամ նրան ասել է, որ տրամվայի տակ ընկած «երեք» էլ չի նշանակում: Տարոն Մարգարյանը սրտովս է ասել, բայց ստրովս չի գործում»,- եզրափակեց Անահիտ Բախշյանը:
Լուսանկարը` PanARMENIAN Photo-ի