Հայաստանի նախագահ Սերժ Սարգսյանը երեկ Բուենոս Այրեսում Clarin թերթին տված հարցազրույցում անդրադարձել է Ռուսաստանի կողմից՝ Ադրբեջանին վաճառված զենքին:
Սարգսյանն այդ հանգամանքը ցավալի է համարել և հայտարարել է, թե մեր ժողովուրդը մտահոգված է, որ ռազմավարական գործընկեր Ռուսաստանը զենք է մատակարարում թշնամի Ադրբեջանին:
«Առաջին լրատվական»-ի հետ զրույցում Մոսկվայում գործող Կովկասագետների գիտական միության նախագահ, քաղաքագետ Ալեքսանդր Կռիլովը բնական համարեց այն, որ Հայաստանի նախագահն այդ կապակցությամբ իր դժգոհությունն է հայտնում ՝ միևնույն ժամանակ ընդգծելով, որ Ռուսաստանի համար էլ ծայրահեղ անցանկալի կլիներ, եթե, ասենք, Ադրբեջանը Ռուսաստանի հակառակորդին զենք վաճառեր:
Մեր հարցին՝ Հայաստանի նախագահի այսօրինակ մտահոգությունը հիմա արտահայտելը հնարավո՞ր է՝ կապված լինի այն հանգամանքի հետ, որ Ռուսաստանն Ադրբեջանին էլ է հրավիրում Եվրասիական տնտեսական միություն, Կռիլովը պատասխանեց․ «Ադրբեջանի անդամագրումը ԵՏՄ-ը այնքան անհավանական է, որքան ասենք Վրաստանի անդամագրումը ՆԱՏՕ-ին: Ադրբեջանը բազմիցս հայտարարելէ , որ նման ցանկություն չունի և այն կապել զենքի վաճառքի հետ կարծում եմ տրմաբանական չէ»:
Միևնույն ժամանակ քաղաքագետն ասաց, որ Ադրբեջանին զենք վաճառելով Ռուսաստանը պարզապես իր մրցունակությունն է պահում, այդ գործարքների եկամուտներ շնորհիվ արդիականացնում իր զինատեսակները․«Ռուսաստանը զենք է վաճառում այն երկրներին, որոնք դա գնում են: Հիմա հնարավոր է որոշ զինատեսակներ վաճառվեն Չինաստանին, Ռուսաստանում Չինաստանին ընդունում են որպես հզոր ներուժ ունեցող երկիր՝ հատկապես քաղաքական էլիտայի այն հատվածները, որոնք արևմտյան կողմնորոշում ունեն: Բայց Ռուսաստանը հիմա այդ բանակցությունները վարում է՝ հենց այն պատճառով , որ դրանից ստացված եկամուտը հնարավորություն դա արդիականացնել իր զինտեխնիկան»«-ընդգծեց Կռիլովը:
Քաղաքագետը հորդորում է այդ խնդրին նայել ոչ միայն այն կոնտեքստում, թե այդ գործարքն ինչ հնարավոր հետևանքներ կարող է ունենալ Հայաստանի վրա և Հայաստան Ադրբեջան հարաբերությունների, Կովկասում իրավիճակի վրա՝ այլ ավելի խոշոր կոնտեքստում․«Այն, որ Ռուսաստանը Հայաստանի անվտանգության երաշախավորն է, այն, որ բալանսը չի խախտվելու՝ դա պարզ է, որովհետև Ադրբեջանի համար պատերազմը չի կարող հաղթանակ երաշխավորել»:
Նրա խոսքերով՝ Հայաստանի այս արձագանքը էմոցիոնալ բնույթի է, որն ինչ-որ տեղ հասկանալի է․ «Հասկանալի է նաև այն, որ Ադրբեջանին վաճառած ցանկացած զինատեսակ ցանկացած երկրի կողմից Հայաստանում բացասական արձագանք կստանա: Մեզ համար էլ ծայրահեղ անցանկալի կլիներ, որ Ադրբեջանն էլ Ռուսաստանի մրցակիցներից զենք գներ՝ դրանով հզորացնելով նրանց դիրքերը»:
