Moody’s գործակալությունը իջեցման հեռանկարով վերանայման է ուղարկել Կիպրոսի վարկանիշը, հաղորդում է Agence France-Presse-ը:
Գործակալությունը Կիպրոսի վարկային վարկանիշի վերանայման մասին որոշումը մեկնաբանել է այս երկրի իշխանությունների և միջազգային վարկատուների միջև բանակցությունների դանդաղ ընթացքով: Բացի այդ, Կիպրոսի բյուջեի դեֆիցիտը կարող է գերազանցել կանխատեսումները:
2012թ. հոկտեմբերի սկզբին Moody’s-ն արդեն իջեցրել էր Կիպրոսի վարկանիշը միանգամից երեք աստիճանով` Ba3-ից մինչև B3 բացասական կանխատեսումներով:
2012թ. ամռանը Կիպրոսը բանակցությունների նախնական փուլ էր սկսել միջազգային վարկատուների «եռյակի»` ԱՄՀ-ի, ԵՄ-ի, Եվրահանձնաժողովի հետ, սակայն այդ բանակցությունների ընթացքում որևէ համաձայնություն ձեռք բերելու մասին առայժմ հաղորդում չի եղել: