Հայ-ռուսական միջխորհրդարանական հանձնաժողովի հայաստանյան ներկայացուցիչ, ԱԺ փոխնախագահ Հերմինե Նաղդալյանն այսօր լրագրողների հետ հանդիպման ընթացքում հայտարարեց, որ հանձնաժողովի հերթական նիստի ընթացքում հայկական կողմը բարձրացրել է Ռուսաստանի հայ միգրանտների հարցը:
Նաղդալյանի խոսքով՝ Ռուսաստանը հայ միգրանտների հարցերով որոշակի զիջումներ կանի: Մասնավորապես, հնարավոր է ներում, իսկ Նաղդալյանի խոսքով՝ ամնիստիա շնորհվի այն միգրանտներին, ովքեր արդեն իսկ խախտել են Ռուսաստանի օրենսդրությունը և այնտեղից դուրս գալու դեպքում կարժանանան ՌԴ մեկնելու 3-5 տարվա արգելքի:
ԱԺ փոխնախագահի խոսքով՝ ՌԴ միգրացիոն ծառայության պետ Ռոմադոնովսկին ևս նշել է, որ իրենք շահագրգռված են, որ հայ միգրանտներին արտոնություններ տրվեն, և շատ հնարավոր է, որ դրանք լինեն մինչև Հայաստանի՝ Եվրասիական տնտեսական միության վերջնական անդամագրումը:
Նաղդալյանը հայտարարեց նաև, որ հայկական կողմը խնդրել է, որ 90 օրվա փոխարեն մեր միգրանտները հնարավորություն ունենան գոնե 120 օր մնալ ՌԴ տարածքում և նոր վերադառնալ: