Արդեն, ավելի քան, ակնհայտ է, որ եվրոպական որոշ պաշտոնյաներ, մեր երկրի ճակատագրին առնչվող խնդիրները լուծելիս, առաջնորդվում են իրենց այն զգացմունքներով, որոնք առաջանում են հայաստանյան «էլիտար» հանդիպումների
ժամանակ: Այս մասին երեկ ավետեց նաև /տե′ս Հ.Գ./ ԵԽԽՎ Հայաստանի հարցերով համազեկուցող Պրեսկոտը, այն էլ այն ժամանակ, երբ հարյուր հազարից ավելի հայաստանցիներ դուրս էին եկել Երևանի փողոցներ, պահանջելով ապօրինի
իշխանությունների հրաժարականը:
Եվրոպական այս որակի ներխուժումը Հայաստան, շարունակում է բռնապետացնել մեր երկիրը և աղքատացնել ժողովրդին, ինչի վառ ապացույցն է, Հայաստանը ԵԽ-ին անդամագրվելուց հետո, հայաստանյան ընտրություններում օրինականության
շեշտակի անկման փաստը:
Թերևս սա է պատճառը նաև, որ օրինականության հաստատման ուղղությամբ մեր ջանքերը հնարավորինս պետք է ուղղվեն Հայաստանի քաղաքական կյանքը պրեսկոտանման «զգացմունքներից» զերծ պահելու խնդրին:
«Ընդդեմ ՀՀԿ ապօրինությունների» համահայկական կոմիտեի համակարգող
Ռ.Թորոսյան