Քիչ առաջ ոստիկանությունը շրջափակել է Ազատության հրապարակը:
Թեև ոստիկաններն Ազատության հրապարակում գտնվողներին, այդ թվում` հացադուլավոր պատգամավոր Րաֆֆի Հովհաննիսյանին ու «Ժառանգության» անդամներին մինչ այս պահը չեն անհանգստացնում, սակայն արգելում են մուտքը Ազատության հրապարակ:
ԱԺ պատգամավոր Զարուհի Փոստանջյանի հարցին՝ ինչո՞ւ են արգելում, Գրիգորյան ներկայացած և մայորի ուսադիրներ կրող ոստիկանն ասաց, թե իրենք ընդամենը հասարակական կարգն են պահպանում:
Ոստիկաններից ոմանք փորձել են մի պահ լեզվակռվի բռնվել և վիճաբանել «Ժառանգություն» կուսակցության վարչության անդամ Դավիթ Սանասարյանի հետ, սակայն վերջինիս սառնասրտության և զսպվածության արդյունքում սադրանքը չի հաջողվել:
Ի դեպ, քիչ առաջ ոստիկաններն Ազատության հրապարակից առևանգել են ինքնահրկիզվել փորձող կնոջը:
Ստեփան Սաֆարյանը մեզ հետ զրույցում ասաց, թե ոստիկանները փորձել են այդպես լարել իրավիճակը հրապարակում, որպեսզի ժողովրդի հետ բախումներ հրահրեն:
Սակայն այդ սադրանքը ևս չի հաջողվել: