Պարոն Կարեն Կարապետյանին
Երևանի քաղաքապետ
Երևան, Հայաստանի Հանրապետություն
Հարգելի պարոն Կարապետյան
ԱԺ «Ժառանգություն» խմբակցությանն ուղարկված Ձեր 04.03.2011թ. N 01/7-4204հ գրությունը չենք համարում մեր 25.02.2011թ. Ժխ-Ե-0100/11 գրության պատասխան, որով, հիմնվելով «ԱԺ Կանոնակարգ» ՀՀ օրենքի պահանջների վրա, մենք ցանկություն էինք հայտնել բացօթյա առևտրի արգելման մասին Ձեր որոշումը և հանձնարարությունը քննարկել Ձեր մասնակցությամբ`փոխզիջումային լուծում գտնելու նպատակով:
Մինչդեռ մարտի 10-ին իմ օգնականը քաղաքապետարանի աշխատակազմի ղեկավարից տեղեկացվել է, որ հանդիպմանը Դուք չեք մասնակցելու: Հետևաբար ձեր գրության մեջ նշված մարտի 12-ի ժամը 12:00-ի հանդիպումը չի կարող համարվել «ԱԺ կանոնակարգ օրենքի» պահանջած հարցի քննարկում, եթե դրան չի մասնակցում որոշման պատասխանատուն:
«Ժառանգություն» խմբակցությունը սպասում է իր Ժխ-Ե-0100/11 գրության մեջ հիշատակված հարցի քննարկման պատշաճ կազմակերպմանը և դրա վերաբերյալ գրավոր տեղակացմանը:
Հարգանոք`
Ստյոպա Սաֆարյան
«Ժառանգություն» խմբակցության ղեկավար