Այսօր Ազատության հրապարակում ինքնահրկիզման փորձ է կատարվել: Երևանի Շերամի փողոցում բնակվող Գոհար Շիֆլիկյանը հացադուլ է հայտարարել և սպառնացել բենզին լցնել իր վրա: Կնոջ հացադուլն ուղղված էր ՀՀ գլխավոր դատախազ Աղվան Հովսեփյանի դեմ:
Կինը պատմում էր հավաքվածներին, որ ինքը բնակարան է գնել, իսկ հետո պարզվել է, որ այդ բնակարանը գնել են նաև ևս հինգ հոգի, և այժմ նոտարական գրասենյակը պահանջում է այդ բնակարանը բաժանել 5 մասի:
«Աղվան Հովսեփյանը 17 տարի առաջ խլեց իմ բնակարանը, հետո ես տոկոսով փող վերցրի էս բնակարանն առա, հիմա էլ 5 նոտար խաբում են, 5 մասի են բաժանում»,- բղավում էր կինը, երբ ոստիկանները նրան փորձում էին լռեցնել:
Տեսնելով, որ չի հաջողվում հանգստացնել կնոջը, ոստիկանները քաղաքացիական հագուստով մարդիկ ուղարկեցին, ովքեր կնոջը ստիպողաբար նստեցրին ոստիկանական մեքենան: