Նյու Յորքում գտնվող Լրագրողների պաշտպանության կոմիտեն ահազանգել է, որ թույլ չեն տվել Հայաստան մուտք գործել ֆիննական YLE հեռուստաալիքի լրագրողներին` խոչընդոտելով նրանց գործունեությունը երկրի ներսում:
Հիշեցնենք, որ անցած հինգշաբթի Հայաստան էին ժամանել ֆիննական հեռուստատեսության մի խումբ լրագրողներ, ում թույլ չէին տվել մուտք գործել Հայաստանի տարածք: Այդ խմբում երկուսը եղել են Էստոնիայից, մյուսները` Ֆինլանդիայից և Լիտվայից: Խումբը հայտնել է, որ իրենք պատրաստվում էին ֆիլմ նկարահանել Լեռնային Ղարաբաղի հակամարտության վերաբերյալ: իսկ ֆինանսավորումը կատարվել էր «Ազատություն» ռադիոկայանի միջոցով:
Որոշ հայաստանցի պաշտոնյաներ ոչ պաշտոնական հարցազրույցներում նշել են, որ խումբը ժամանել է Ադրբեջանի կառավարության ֆինանսավորմամբ` հակահայկական քարոզչական ֆիլմ նկարահանելու համար: