Եվրասիական տնտեսական միությանն անդամակցելու հետ կապված այսօր կազմակերպվել է տեսակամուրջ Երևան-Աստանա-Մինսկ-Մոսկվա ձևաչափով:
Տեսակամուրջի ընթացքում Մոսկվայից հարց ուղղեցին հայկական կողմից տեսակամուրջին մասնակցող՝ «Ինտեգրացիա և զարգացում» ՀԿ-ի տնօրեն Արամ Սաֆարյանին՝ արդյոք Հայաստանի հասարակությունը համաձա՞յն է Հայաստանի՝ Մաքսային և Եվրասիական տնտեսական միությանն անդամակցելու որոշմանը:
Արամ Սաֆարյանն ի պատասխան՝ հայտարարեց, որ հոկտեմբերից մինչ այսօր արված տարբեր հարցումներ ցույց են տալիս, որ Հայաստանի հասարակությունը ցանկություն ունի ինտեգրվելու ռուսական պրոյեկտներին:
«Ավանդական կարծիքն այստեղ պրոռուսական է. դա են վկայում անգամ միջազգային «Գելափի» հարցման արդյունքները»,- ասաց նա:
Ի դեպ, Սաֆարյանը հայտարարեց նաև, որ նման կարծիք մեծամասամբ ունեն 45-ից բարձր տարիքի մարդիկ, իսկ մինչև 25 տարեկան երիտասարդությունն այլ կարծիքի է:
