Իրանական IRNA լրատվական գործակալության փոխանցմամբ՝ Իրանն արդյունաբերական ապրանքներ է արտահանում աշխարհի 160 երկրներ: Այս մասին հայտարարել է Իրանի առևտրի զարգացման կազմակերպության՝ արտահանման զարգացման դեպարտամենտի տնօրեն Սոհրաբ Սալիմին:
Վերջինիս խոսքերով՝ այս տարվա առաջին կեսին (սկսվել է մարտի 20-ից) Իրանն արտահանել է ավելի քան 16 միլիարդ դոլարի ոչ նավթային ապրանքներ (բացառությամբ կոնդենսատի): Սալիմին հավելել է, որ Իրանը հաշվետու ժամանակահատվածում արտահանել է 2,2 միլիարդ դոլարի տեխնիկա և մեքենաշինական արտադրանք: Իրանն արտահանում է նաև զգալի քանակությամբ նավթամթերք:
Ավելի վաղ Իրանը հայտարարել է, որ արգելել է 50 ապրանքատեսակի արտահանումը` դրանց ոլորտում երկրում դեֆիցիտ չառաջացնելու համար: Խոսքը ցորենի, ալյուրի, շաքարի, մսի, կարագի և այլնի մասին է: