Ուկրաինայի սոցիալական քաղաքականության նախկին նախարար Նատալյա Կորոլյովսկայան որոշել է հանել թեկնածությունն Ուկրաինայի նախագահի առաջիկա ընտրություններից: Այս մասին հայտնում է ՈւՆԻԱՆ գործակալությունը:
«Ես ինձ համար ընդունել եմ շատ կարևոր որոշում: Եվ վաղը՝ Խաղաղության ու աշխատանքի օրը, ես կբացատրեմ իր որոշման պատճառը»,- երեկ ասել է Կորոլյովսկայան:
Որպես թեկնածու գրանցվելու փաստաթղթերը նա ԿԸՀ էր ներկայացրել մարտի վերջին:
Ավելի վաղ նախագահական ընտրություններից իր թեկնածությունն էր հանել պատգամավոր Օլեգ Ցարյովը: «Հարավ-արևելք» հասարակական շարժման առաջնորդը իր որոշումը բացատրել էր նրանով, որ Կիևի իշխանությունները զրկել են իրեն հարավ-արևելքի ձայնն Ուկրաինայի մնացած բնակիչներին հասցնելու հնարավորությունից՝ մերժելով ազգային հեռուստադեբատներում նրա մասնակցությունը:
Ուկրաինայում ընտրությունները կկայանան մայիսի 25-ին:
