Իրանի նախագահ Մահմուդ Ահմադինեժադն այսօր ժամանել է Լիբանան: Փողոցներոում նկատվում են մարդկանց կուտակումներ, որոնք ողջունում են Ահմադինեժադին նրա մեծ նկարներով, դրոշակներով, ծաղիկներով: Առաջին օրը Իրանի նախագահը բանակցություններ կվարի իր լիբանանցի գործընկեր Միշել Սուլեյմանի հետ, կայցելի խորհրդարան, երեկոյան կմասնակցի Հիզբոլլահ և Ամալ շիական կազմակերպոևւթյունների կողմից կազմակերպված հանրահավաքին, որին տարբեր հաշվարկներով կմասնակցի մոտ 40 հազար մարդ: Բայց այցը միանշանակ չի ընդունվել: Արևմտամետ խորհրդարանական մեծամասնոության մի շարք պատգամավորներ մեղադրել են Իրանի նախագահին երկրի ներքին գործերին միջամտելու մեջ: Մինչ նրա այցը՝ մոտ 250 լիբանանյան հասարակական-քաղաքական կազմակաերպություններ բաց նամակ են հղել Ահմադինեժադին, որտեղ մեղադրում են նրան Հիզբոլլահին աջակցություն ցույց տալու մեջ: Երկրում մտահոգված են, որ Հիզբոլլահի և Իսրայելի հակամարտությունը կարող է վերաճել Լիբանանի և հրեական պետության միջեւ նոր հակամարտության: Ահմադինեժադի այցելության հետ կապված մտահոգություն են արտահայտել նաև Իսրայելն ու ԱՄՆ-ն: Իրանի նախագահի այցը կտրի երկու օր: Սակայն որոշ լրատվամիջոցներ հայտնում են, որ հնարավոր է Ահմադինեժադը սպասի մինչև ուրբաթ, երբ սկսվելու է Էրդողանի այցը Բեյրութ: