Քրդական Firat լրատվական գործակալության փոխանցմամբ, եվրոպական մամուլը շարունակում է լայնորեն արձագանքել Թուրքիայում լրագրողներ Ահմեթ Շըքի և Նեդիմ Շեների ձերբակալությանը:
– Բոլորն էրգենեկոնական են (Frankfurter Allgemeine Zeitung, Գերմանիա)
– Մակկարտին Թուրքիայում (Junge Welt-Almanya, Գերմանիա)
– Լրատվական հեղաշրջում (Focus, Գերմանիա)
– Էրգենեկոնի հայցը վերածվեց քաղաքական զենքի (Die Presse, Ավստրիա)
– ԱԶԿ-ն ցանկանում է վախեցնել հակառակորդներին (Libération, Ֆրանսիա)
– Թուրքիա/դավադրություն. նոր ճնշումներ ընդդիմադիր լրագրողների վրա (Le Monde, Ֆրանսիա)
– Էրդողանի ռեժիմն աշխատում է վախեցնել մամուլին (De Dagelijkse Standaard, Հոլանդիա)
– Լրագրողների ճգնաժամային ձերբակալություն (De Standaard, Բելգիա)
– Թուրքական մամուը ճնշման տակ (Helsingborgs Dagblad, Շվեդիա)
– Լրագրողներին` ճնշում, կառավարությանը` քննադատություն (Virgilio, Իտալիա)
Հիշեցնենք, որ Նեդիմ Շեները հանդիսանում է «Կարմիր ուրբաթ. ո՞վ կոտրեց Դինքի գրիչը» գրքի հեղինակը: Այս տարվա հունվարին շուկայում հայտնված Շեների գրքում մեջբերված էր 2004 թվականի մարտի 2-ին թվագրված մի փաստաթուղթ, որի վրա առկա էր Ստամբուլի Անվտանգության ծառայության պետի տեղակալի ստորագրությունը: Փաստաթղթում նշված էր այն մասին, որ հայկական «Ակոս» թերթի խմբագրությունը շարունակ հեռախոսազանգեր է ստանում, որոնցում սպառնալիքներ են հնչեցվում գլխավոր խմբագիր Հրանտ Դինքի հասցեին, ինչի համար էլ անհրաժեշտ է խմբագրատան ու Դինքի տան մոտ պահպանություն իրականացնել:
Մինչդեռ Դինքի սպանությունից հետո Ստամբուլի Անվտանգության ծառայությունը նրա սպանության գործի շուրջ բացատրագիր ուղարկեց դատարան, որում նշեց, թե մահվանից առաջ Դինքին չեն սպառնացել: