Թուրքական «Zaman» թերթը հաղորդում է, որ Բարձրագույն ընտրական խորհուրդը (YSK) մերժել է իշխող «Արդարություն և զարգացում» կուսակցության (ԱԶԿ) դիմումը, որում առաջարկվում էր հունիսի 12-ին կայանալիք խորհրդարանական ընտրությունների ժամանակ քվեարկելու հնարավորություն ընձեռել արտասահմանում գտնվող թուրք քաղաքացիներին:
ԱԶԿ-ն պլանավորել էր, որ մաքսային անցակետերում և օտար երկրներում գտնվող թուրք քաղաքացիները կմասնակցեն խորհրդարանական ընտրություններին, ինչպես նաև կկազմակերպվեր էլեկտրոնային քվեարկություն, սակայն YSK-ն կարծում է, որ այս պահին դա պատեհ չէ և կարող է արվել հետագա ընտրությունների ժամանակ:
Հիշեցնենք, որ YSK-ն ստեղծվել է 1961 թվականին: