ԱՄՆ-ում Թուրքիայի դեսպան Նամըք Թանը Ամերիկայի ձայնին ասել է, որ ղարաբաղյան հակամարտությունը ազդում է տարածաշրջանային իրավիճակի վրա և խոչընդոտում առաջընթացին:
«Մենք աջակցում ենք Մինսկի խմբի ջանքերին: Խմբում ներգրավված երկրները խնդրով շատ լուրջ են զբաղվում: Անցած շաբաթ խնդիրը քննարկել է նաև Վաշինգտոն այցելած Թուրքիայի փոխարտգործնախարարը: Հավատում եմ, որ հակամարտությունը հնարավոր է կարգավորել մոտ ապագայում»,- ասել է Թանը:
Անդրադառնալով հայ-թուրքական հարաբերություններին` նա շեշտել է, որ խնդիրների լուծումը կարող է հեշտանալ ղարաբաղյան կարգավորումից հետո:
«Այդ հարցերը կապված են իրար: Ղարաբաղյան հակամարտության լուծումը գտնելուց հետո կհեշտանա հայ-թուրքական խնդիրների լուծումն ու մեջ ջանքերն այդ ուղղությամբ մեր ջանքերը կավելանան»,- հայտարարել է Թանը:
