Չինաստանը կրճատել է հանցանքների այն ցանկը, որի համար նախատեսված է մահապատիժ: Մասնավորապես Չինաստանի օրենսդիրները ընդունել են օրենսդրական փոփոխությունները, համաձայն որոնց` մահապատիժ չի ենթադրվում մաքսանենգության, գողության, ֆինանսական մեքենայությունների համար: Այս մասին հաղորդում է չինական Xinhua գործակալությունը:
Չինաստանը համարվում է աշխարհում ամենաշատը մահապատիժ կիրառող երկրներից մեկը: Amnesty International կազմակերպության ներկայացրած թվերով, 2009թ. այդ երկրում մահապատժի են ենթարկվել հազարավոր մարդիկ: Իսկ այն հանցանքների թիվը, որոնց համար նախատեսված է մահապատիժ, հասնում է 68-ի:
