«Մայր Աթոռ Սուրբ Էջմիածինը» այս տարվա առաջին երեք եռամսյակների ընթացքում սոցիալական ապահովագրության վճար վճարած 1000 ամենախոշոր ընկերությունների ցանկում 52-րդ հորզոնականում է, այսինքն` վճարում է զգալիորեն ավելի շատ, քան «Երեւանի Գարեջուր»-ը, «Աշտարակ կաթ»-ը եւ մի քանի անգամ ավելի շատ, քան «Լուսակերտի տոհմային թռչնաբուծական ֆաբրիկա»-ն, Բարսեղ Բեգլարյանի «Ֆլեշ»-ը, Ալիկ Պետրոսյանի «ՄԱՊ»-ը: Սա երևում է ՊԵԿ-ի կողմից երեկ հրապարակած այս տարվա առաջին երեք եռամսյակների ընթացքում սոցիալական ապահովագրության վճար վճարած 1000 ամենախոշոր ընկերությունների և նրանց կողմից վճարված պարտադիր սոցիալական ապահովության վճարների մեծությունների ցանկից: Արարատյան հայրապետական թեմը (200-րդ հորիզոնական) եւ Ամերիկայի հայ ավետարանչական ընկերակցության Հայաստանի մասնաճյուղը (208 –րդ հորիզոնական) ավելի շատ են սոցիալական ապահովության վճար վճարել, քան վառելիք ներմուծող «Սիթի պետրոլ գրուպ»-ը (217-րդ տեղ), «Միկմետալ»-ը (227-րդ տեղ), Սամվել Ալեքսանյանի «Նատալի ֆարմ»-ը, Գուրգեն Արսենյանի «Արսօյլ ՀՁ»-ն:
