«Մխիթար Սեբաստացի» կրթահամալիրը, Չայկովսկու անվան երաժշտական դպրոցը ու Չեխովի անվան թիվ 5 միջնակարգ դպրոցը ավելի շատ սոցիալական ապահովության վճար են մուծել, քան ՄԱԿ կուսակցության ղեկավար Գուրգեն Արսենյանին պատկանող «Արսօյլ ՀՁ» ներմուծմամբ զբաղվող ընկերությունն ու վերջերս ԲՀԿ-ական ու ԱԺ փոխխոսնակ դարձած Սամվել Բալասանյանին պատկանող «Գյումրի գարեջուրը»: Սա երևում է ՊԵԿ-ի կողմից երեկ հրապարակած այս տարվա առաջին երեք եռամսյակների ընթացքում սոցիալական ապահովագրության վճար վճարած 1000 ամենախոշոր ընկերությունների և նրանց կողմից վճարված պարտադիր սոցիալական ապահովության վճարների մեծությունների ցանկից: «Մխիթար Սեբաստացի» կրթահամալիրը զբաղեցնում է ցուցակի 202-րդ, Չայկովսկու անվան երաժշտական դրպոցը` 257-րդ, Չեխովի անվան թիվ 5 միջնակարգ դպրոցը` 291-րդ հորիզոնականը: «Արսօյլ ՀՁ»-ն 295-րդ տեղում է, իսկ «Գյումրի գարեջուրը»՝ 338-րդ: