Լրագրողների հետ այսօր հանդիպման ժամանակ ԿԲ նախկին նախագահ Բագրատ Ասատրյանը նշեց, որ, իր կանխատեսումներով, 2011 թ. Հայաստանի ՀՆԱ աճը կկազմի 3-4%: Այն, ըստ Բ. Ասատրյանի, կապահովվի հիմնականում գյուղատնտեսության, առևտրի ու սպասարկման, որոշ չափով՝ նաև շինարարության ոլորտների աճի հաշվին:
Բ. Ասատրյանի խոսքով, գյուղատնտեսությունը այնքան մեծ անկում է ունեցել 2010-ին, որ 2011-ին պարզապես չի կարող չաճել:
Ըստ Բ. Ասատրյանի, այս տարի ևս ՀՀ-ն չի հասնի նախաճգնաժամային շրջանի` 2008 թ. ՀՆԱ-ի ցուցանիշին: «Կարծում եմ` միայն 2013-2014 թթ. կունենանք նախաճգնաժամային շրջանի ցուցանիշները»,- ասաց Բ. Ասատրյանը:
Խոսելով այս տարվա գնաճի մասին՝ նա նշեց, որ անհիմն է համարում դրա վերաբերյալ ԿԲ այն կանխատեսումները, թե գնաճը կկազմի 4-5%: Բ. Ասատրյանը նշեց, որ, իր կարծիքով, 2011-ին ՀՀ-ում կգրանցի սպառողական գների 8-9% աճ: