Սյունիքի մարզպետարանի սոցիալ-տնտեսական զարգացման բաժնի ամփոփագրերի համաձայն` անցած մեկ տարում մարզում ստեղծվել է 11 նոր ձեռնարկություն:
Հիմնականում հանքարդյունաբերության, հիդրոէներգետիկ, տեղական հումքի վերամշակման, սննդի և թեթև արդյունաբերության բնագավառների նորաբաց ձեռնարկություններում 502 նոր աշխատատեղ է բացվել. «Լեռ-էքս» ՍՊԸ-ում` 160 աշխատատեղ, «Վի Էյջ Սթոուն» ՍՊԸ-ում` 90, «Իսթեյք մենենջմենթ ընդ ադմինիսթրեյշն քամփնի» ՓԲԸ-ում` 30, «Արսեն և Ներսես» ՍՊԸ-ում` 28, «Մարիլա» ՍՊԸ-ում` 18 և «Կաչկար» ՍՊԸ-ում` 10:
Էներգետիկ, շինարարական, առևտրի և սպասարկման ոլորտի տարբեր կազմակերպություններում ևս աշխատատեղեր են բացվել:
Այնուամենայնիվ, չնայած նոր աշխատատեղերին` Սյունիքում շարունակվում է գործազրկության միջին ցուցանիշը բարձր մնալ միջին հանրապետականից: