Կառավարության այսօրվա նիստում փոփոխություն կատարվեց կառավարության մի որոշման մեջ, որով փոքր ու միջին ձեռնարկություններին հնարավորություն տրվեց ավելի լայն փաթեթով ֆինանսական հաշվետվություններ ներկայացնել:
«ՀՀ փոքր և միջին կազմակերպությունները ֆինանսական հաշվետվություններ ներկայացնում էին ֆինանսական հաշվետվությունների միջազգային ստանդարտներին և միջազգային ուղեցույցներին համապատասխան, մասնավորապես` փոքրերին համապատասխան:
Սույն որոշման ընդունմամբ նրանց հնարավորություն է ընձեռվում, որպեսզի ցանկության դեպքում կարողանան առավել համալիր լայն փաթեթով ևս ներկայացնել ֆինանսական հաշվետվությունները:
Սա ուղղակի իրավունքների ընդլայնում է բոլոր այն կազմակերպությունների համար, որոնք ինչ-ինչ տնտեսական պատճառներից ելնելով կուզենան ներկայացնել իրենց ֆինանսական հաշվետվությունները ավելի լայն փաթեթով»,- նիստի ժամանակ ասաց Ֆինանսների նախարար Վաչե Գաբրիելյանը: